اشتري حاجات الزراعة منين ؟!
بسم الله الرحمن الرحيم انا عاوزة ازرع بس مش عارفة اشتري الحاجة منين ؟؟! انا بدور ع تربة البيتموس بس مش لقياها ؟؟! اجيب منين سماد الكمبوست ده؟! والرمل ده بيتباع فين ؟؟ كل دي اسئلة بتواجه اي حد جديد عاوز يزرع اولا احنا بنجيب خامات الزراعة من كذا مكان اهم مكان ١- اماكن بيع مستلزمات الزراعة ده في ( باب الخلق ) فين ده ؟ " ورا مديرية امن القاهرة " شارع طويل مليان محلات بيبع كل حاجة عن الزراعة من الابرة للصاروخ 😉 التربة الزراعية والسماد والبذور والقصيص وأدوات الري وعلاج النباتات من الحشرات بمختلف انواعها ٢- من اي مشتل تقدر تشتري تربة البيتموس الخصبة او اي اصيص والاسعار فالمشاتل اقل بكتير الصراحه من باب الخلق ٣- من العطار بس المحلات الكبيرة زي "ابن سينا" هتلاقوا عنده بعض البذور انا عن نفسي بجيب من عنده ( النعناع ، الريحان ، الجرجير ، الخس ، الشبت ، البقدونس ، الكزبرة ، الكرنب ، الملوخية الخضراء ) لو هتجيبوا حاجة من البذور دي تشتروا ب ١ جنية واحد بس لان الكمية كبيرة تكفيكوا سنتين 😉🤗 ٤- الرمل : بيتباع عند الموان روحوا عند اقرب موان عندكوا وا...
